ನವದೆಹಲಿ; ಸಿದ್ದರಾಮಯ್ಯ ಪತ್ನಿ ಮುಡಾ ಸೈಟ್ ಗಳನ್ನು ವಾಪಾಸ್ ಕೊಟ್ಟ ವಿಚಾರಕ್ಕೆ ಸಂಬಂಧಪಟ್ಟಂತೆ ನವದೆಹಲಿಯಲ್ಲಿ ಬಿಜೆಪಿ ನಾಯಕ ಸಿ.ಟಿ ರವಿ ಪ್ರತಿಕ್ರಿಯಿಸಿದ್ದಾರೆ. ಇದು ಊರು ಕೊಳ್ಳೆಹೊಡೆದ ಮೇಲೆ ದಿಡ್ಡಿ ಬಾಗಿಲು ಹಾಕಿದ ಹಾಗೆ ಆಗಿದೆ ಎಂದು ಲೇವಡಿ ಮಾಡಿದ್ದಾರೆ.
ಇದು ಸಿದ್ದರಾಮಯ್ಯ ನವರ ಪ್ರಾಮಾಣಿಕ ನಿರ್ಧಾರ ಅಲ್ಲ.ಯಾರಿಗೂ ಜಗ್ಗಲ್ಲ, ಬಗ್ಗಲ್ಲ ಅಂತಾ ಹೇಳ್ತಿದ್ರು.ದೊಡ್ಡ ವಕೀಲರನ್ನು ಕರೆಸಿ ಬ್ಯಾಡ್ ಕೇಸ್ ನ ವಾದ ಮಾಡಿದ್ರು.ಇ.ಡಿ ಎಂಟ್ರಿಯಾದ ಮೇಲೆ ನಿವೇಶನ ವಾಪಾಸ್ ಕೊಟ್ರು.ಪ್ರಾಮಾಣಿಕವಾಗಿದ್ರೆ ಮೊದಲೆ ಸೈಟ್ ವಾಪಾಸ್ ಕೊಡಬೇಕಿತ್ತು. ಸಂವಿಧಾನಕ್ಕಿಂತ ನಾನೇ ಮೇಲೆ ಎಂದು ಸಿದ್ದರಾಮಯ್ಯ ಅಂದುಕೊಂಡಿದ್ರು.ಮುಡಾದಲ್ಲಿ ಸಾವಿರಾರು ಕೋಟಿ ಹಗರಣ ನಡೆದಿದೆ. ಜಿಲ್ಲಾಧಿಕಾರಿ ಪತ್ರ ಬರೆದಿರುವುದೆ ಇದಕ್ಕೆ ಉದಾಹರಣೆ..ಸಾವಿರಾರು ಕೋಟಿಗಳ ಅಕ್ರಮದ ತನಿಖೆ ನಡೆಯಬೇಕು.ಯಾರ್ಯಾರು ತಪ್ಪು ಮಾಡಿದ್ದಾರೆ ಎಲ್ಲವೂ ಬಹಿರಂಗವಾಗಬೇಕು.ಸರಕಾರ ಅಕ್ರಮ ಆಸ್ತಿ ಮುಟ್ಟುಗೋಲು ಹಾಕಬೇಕು ಎಂದು ಆಗ್ರಹಿಸಿದ್ದಾರೆ.
ಸಿದ್ದರಾಮಯ್ಯನವರ ನಿಜಬಣ್ಣ ಬಯಲು ಆಗಿದೆ.ಬಿಎಸ್ ವೈ ಸೈಟ್ ವಾಪಸ್ ಕೊಟ್ಟ ವಿಚಾರವಾಗಿ ಸಿದ್ದರಾಮಯ್ಯ ಹೇಗೆ ಮಾತನಾಡಿದ್ರು.ಸಿದ್ದರಾಮಯ್ಯನವರಿಗೆ ಈಗ ನಿಮಗೆ 62ಕೋಟಿ ಬೇಡವಾ..?ಅವತ್ತು ಬೇಕು ಅಂದಿದ್ರು ಇವತ್ತು ಬೇಡವಾ.ಸಿಎಂ 62ಕೋಟಿ ಕೇಳಿದ್ದು, ಸುಳ್ಳೋ ನಿಜವೋ..? ಮೊಕದ್ದಮೆಯೂ ದಾಖಲಾಯ್ತು ಮರ್ಯಾದಿಯೂ ಹೋಯ್ತು.ಹೋದ ಮರ್ಯಾದಿ ವಾಪಾಸ್ ಬರುವುದಿಲ್ಲ.ಅಕ್ರಮವಾಗಿ ನಿವೇಶನ ಪಡೆದ ಎಲ್ಲರ ಮೇಲೆ ತನಿಖೆ ಆಗಲಿ.ಮುಡಾಕಿಂತ ದೊಡ್ಡ ಹಗರಣ ಅರ್ಕಾವತಿ ಹಗರಣ.ಸಿದ್ದರಾಮಯ್ಯ ಅರ್ಕಾವತಿ ಹಗರಣದ ಹೊಣೆ ಹೊರಬೇಕು.ಯೋಜನಾಬದ್ಧವಾಗಿ ಮಾಡಿದ ಮೋಸ ಅರ್ಕಾವತಿ ಹಗರಣ. ಈಗ ಅರ್ಕಾವತಿ ವರದಿ ಮಂಡಿಸಲಿ.ವರದಿ ಮಂಡಿಸಲು ಸಿದ್ದರಾಮಯ್ಯ ನವರಿಗೆ ಭಯವೇ..?.ಹೇಗೂ ಪ್ರಾಮಾಣಿಕ ಎಂದು ಸಿದ್ದರಾಮಯ್ಯ ಹೇಳ್ತಾರೆ.ಯಾವುದಕ್ಕೂ ಹೆದರಬೇಡಿ , ಅರ್ಕಾವತಿ ವರದಿ ಮಂಡಿಸಿ.ರಾಜ್ಯಪಾಲರಿಗೆ ಲಗಾಮು ಹಾಕ್ತಿವಿ ಅಂತಾ ಹೋದ್ರು ಆಯ್ತಾ..?ಸಂವಿದಾನಕ್ಕೆ ಲಗಾಮಿ ಹಾಕೊಕೆ ಆಗುತ್ತಾ..? ನೂರು ಜನ ಬಂದ್ರು ಆಗಲ್ಲ.ಬೆದರಿಕೆ ಎಲ್ಲಾ ಗೂಂಡಾ ರಾಜ್ಯದಲ್ಲಿ ನಡೆಯುತ್ತೆ, ಪ್ರಜಾಪ್ರಭುತ್ವದಲ್ಲಿ ನಡೆಯಲ್ಲ ಎಂದಿದ್ದಾರೆ.
ಸಿಎಂಗೆ ಗೊತ್ತಿಲ್ಲದೇ ಸಿಎಂ ಪತ್ನಿಗೆ ಸೈಟ್ ಸಿಕ್ಕಿದೆ ಅಂತಾ ಹೇಳಲೂ ಸಾಧ್ಯವಿಲ್ಲ: ಬೆಂಗಳೂರಿನಲ್ಲಿ ಕೇಂದ್ರ ಸಚಿವ ಪ್ರಹ್ಲಾದ್ ಜೋಷಿ ಹೇಳಿಕೆ
ಬೆಂಗಳೂರು; ಸಿಎಂಗೆ ಗೊತ್ತಿಲ್ಲದೇ ಸಿಎಂ ಪತ್ನಿಗೆ ಸೈಟ್ ಸಿಕ್ಕಿದೆ ಅಂತಾ ಹೇಳಲೂ ಸಾಧ್ಯವಿಲ್ಲ ಎಂದು ಬೆಂಗಳೂರಿನಲ್ಲಿ ಕೇಂದ್ರ ಸಚಿವ ಪ್ರಹ್ಲಾದ್ ಜೋಷಿ ಹೇಳಿಕೆ ನೀಡಿದ್ದಾರೆ.
ಸಿದ್ದರಾಮಯ್ಯ ಪತ್ನಿ ಸೈಟ್ ವಾಪಸ್ ಕೊಟ್ಟ ವಿಚಾರಕ್ಕೆ ಸಂಬಂಧಪಟ್ಟಂತೆ ಮಾತನಾಡಿದ ಕೇಂದ್ರ ಸಚಿವ ಪ್ರಹ್ಲಾದ್ ಜೋಷಿ ನಿನ್ನೆ ಸಿದ್ದರಾಮಯ್ಯ ಹೇಳಿಕೆಯನ್ನು ಗಮನಿಸಿದ್ದೇನೆ.ನಾನು ಡಿನೋಟಿಫೈ ಮಾಡಿದ್ನಾ? ನಾನೇನು ಸಹಿ ಮಾಡಿದ್ನಾ? ನಂದು ಮತ್ತು ಯಡಿಯೂರಪ್ಪ ಪ್ರಕರಣ ಬೇರೆ ಬೇರೆ ಎಂದಿದ್ದಾರೆ.ನಿಮ್ಮ ಬಗ್ಗೆ ಕೋರ್ಟ್ ಏನು ಹೇಳಿದೆ ಅನ್ನೋದನ್ನು ಮೊದಲು ನೋಡಿ.ನೀವು 2004 ರಿಂದ ಈಚೆಗೆ ಸತತವಾಗಿ ಒಂದು ಸ್ಥಾನದಲ್ಲಿ ಇರಲಿಲ್ಲ ಅಂದರೆ ಸೈಟ್ ಇನ್ನು ಯಾರಿಗೂ ಸಾಮಾನ್ಯ ಮನುಷ್ಯನಿಗೆ ಮುಟ್ಟಲೂ ಸಾಧ್ಯವಿರಲಿಲ್ಲ.ಸಿಎಂಗೆ ಗೊತ್ತಿಲ್ಲದೇ ಸಿಎಂ ಪತ್ನಿಗೆ ಸೈಟ್ ಸಿಕ್ಕಿದೆ ಅಂತಾ ಹೇಳಲೂ ಸಾಧ್ಯವಿಲ್ಲ ಎಂದಿದ್ದಾರೆ.
ಕೋರ್ಟ್ ಬಹಳ ಸ್ಪಷ್ಟವಾಗಿ ನೀವು ಏನೇನು ಕರಾಮತ್ತು ಮಾಡಿದ್ದೀರಿ ಅಂತಾ ದಾಖಲಿಸಿದೆ.ಸಂವಿಧಾನಕ್ಕೆ ಎಂದೂ ಗೌರವ ಕೊಡದವರು ಸಂವಿಧಾನ ಪ್ರತಿ ಇಟ್ಟುಕೊಂಡು ಓಡಾಡಿದ್ರಿ.ಸಂವಿಧಾನದ ಪ್ರಕಾರವಾಗಿ ಕೋರ್ಟ್ ಸ್ಪಷ್ಟವಾಗಿ ಸಿಎಂ ಪಾತ್ರ ಅಲ್ಲಗಳೆಯಲು ಸಾಧ್ಯವಿಲ್ಲ, ತನಿಖೆಯಾಗಬೇಕು ಅಂತಾ ಹೇಳಿದೆ.ರಾಜೀನಾಮೆ ಕೊಡಲ್ಲ ಅಂದರೆ ನೀವು ಭಂಡತನ ಪ್ರದರ್ಶಿಸುತ್ತಿದ್ದೀರಿ.ಕಾಂಗ್ರೆಸ್ ಹೈಕಮಾಂಡ್ ಲೋ ಕಮಾಂಡ್ ಆಗಿದೆ.ಯಾಕೆಂದರೆ ಅವರೂ ಬೇಲ್ ಮೇಲೆಯೇ ಇದ್ದಾರೆ.ಅವರೇ ಅರ್ಥಿಕ ಅಪರಾಧದಲ್ಲಿ ಬೇಲ್ ಮೇಲೆ ಇರುವುದರಿಂದ ಅವರಿಗೆ ಸಿದ್ದರಾಮಯ್ಯನವರಿಗೆ ರಾಜೀನಾಮೆ ಕೊಡಿ ಅಂತಾ ಹೇಳಲು ಆಗುತ್ತಿಲ್ಲ. ಯಾಕೆಂದರೆ ರಾಹುಲ್ ಗಾಂಧಿಯವರೇ ನೀವು ವಿಪಕ್ಷ ನಾಯಕ ಸ್ಥಾನಕ್ಕೆ ರಾಜೀನಾಮೆ ಕೊಡಿ ಅಂತಾ ಸಿದ್ದರಾಮಯ್ಯ ಕೇಳುತ್ತಾರೆ ಎಂದು ವಾಗ್ದಾಳಿ ನಡೆಸಿದ್ದಾರೆ.
ಕಾಂಗ್ರೆಸ್ ಪಕ್ಷ ನೈತಿಕತೆ ಕಳೆದುಕೊಂಡಿರುವುದರಿಂದ ಬಾಲವೇ ಅಲ್ಲಾಡಿಸುವ ಸ್ಥಿತಿ ಆಗಿದೆ.ಸಿದ್ದರಾಮಯ್ಯನವರಿಗೆ ಏನಾದರೂ ಮರ್ಯಾದೆ ಇದ್ರೆ ಕೋರ್ಟ್ ಆದೇಶ ಗಮನಿಸಿ ರಾಜೀನಾಮೆ ಕೊಡಿ.ಪಕ್ಷದಲ್ಲಿ ನಿಮ್ಮ ನಾಯಕತ್ವಕ್ಕೆ ಅಷ್ಟು ಬೆಲೆ ಇದ್ದರೆ ನೀವು ಪರಿಶುದ್ಧರಾಗಿ ಬಂದ ಮೇಲೆ ಮತ್ತೆ ಸಿಎಂ ಮಾಡಲಿ.ಯಾವುದೇ ಕಾರಣಕ್ಕೂ ಕಾಂಗ್ರೆಸ್ ಸರ್ಕಾರ ಕೆಡವಲು ನಾವು ಹೊರಟಿಲ್ಲ, ನಮ್ಮ ಉದ್ದೇಶವೂ ಅದಲ್ಲ.ತಪ್ಪು ಮಾಡಿದವರು ರಾಜೀನಾಮೆ ಕೊಟ್ಟು ತನಿಖೆ ಎದುರಿಸಿ.ಎಲ್ಲಾ ಹಿಂದುಳಿದ ವರ್ಗದವರಿಗೂ ಹೀಗೆಯೇ ತೊಂದರೆ ಆಗಿದೆ.ದೇವರಾಜ ಅರಸುಗೆ ತೊಂದರೆ ಕೊಟ್ಟವರು ಬಿಜೆಪಿಯವರಲ್ಲ, ಅಂದು ಮೋದಿ ರಾಜಕಾರಣದಲ್ಲೇ ಇರಲಿಲ್ಲ.ಅರಸುಗೆ ತೊಂದರೆ ಕೊಟ್ಟವರು ಕಾಂಗ್ರೆಸ್ ನವರು.ಸಿದ್ದರಾಮಯ್ಯ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಹಾಕಿಕೊಂಡಿದ್ದೀರಿ, ರಾಜೀನಾಮೆ ಕೊಡಿ ಎಂದು ಆಗ್ರಹಿಸಿದ್ದಾರೆ.
