ಬೆಂಗಳೂರು; ಮದುವೆ ಯಾವಾಗ, ಮದುವೆ ಯಾವಾಗ ಅಂತಾ ತರುಣ್ ಸುಧೀರ್ ಅವರನ್ನು ಅವರ ಆಪ್ತರು, ಸ್ನೇಹಿತರು, ಅಭಿಮಾನಿಗಳು ನಿರಂತರವಾಗಿ ಕೇಳುತ್ತಿದ್ದ ಪ್ರಶ್ನೆ ಕೊನೆಗೂ ತರುಣ್ ಸುಧೀರ್ ಅವರು ಉತ್ತರ ಕೊಟ್ಟಿದ್ದಾರೆ. ಕೊನೆಗೂ ತರುಣ್ ಸುಧೀರ್ ಅವರು ಅದ್ಧೂರಿಯಾಗಿ ವೈವಾಹಿಕ ಬದುಕಿಗೆ ಕಾಲಿಟ್ಟಿದ್ದಾರೆ.
ಹೌದು.. ಕರಾವಳಿ ಮೂಲದ ಬೆಡಗಿ, ನಟಿ ಸೋನಲ್ ಮೊಂತೆರೋ ಅವರನ್ನು ರಾಬರ್ಟ್ ನಿರ್ದೇಶಕ ತರುಣ್ ಇಂದು ವಿವಾಹವಾಗಿದ್ದಾರೆ. ನಿನ್ನೆ ಅದ್ಧೂರಿಯಾಗಿ ವಿವಾಹದ ಆರತಕ್ಷತೆ ಕಾರ್ಯಕ್ರಮ ನಡೆಯಿತು. ಇಂದು ಬೆಂಗಳೂರಿನ ಮೈಸೂರು ರಸ್ತೆಯಲ್ಲಿರುವ ಪೂರ್ಣಿಮಾ ಪ್ಯಾಲೇಸ್ ನಲ್ಲಿ ಅದ್ಧೂರಿ ವಿವಾಹ ಸಮಾರಂಭ ನಡೆಯಿತು. ಇನ್ನು ಸೋನಲ್ ಬರ್ತಡೇ ದಿನವೇ ಅವರ ಮದುವೆ ಕೂಡ ನಡೆದಿದ್ದು ವಿಶೇಷ. ಬೆಳಗ್ಗೆ 10:50ರಿಂದ 11:35 ವೇಳೆಹೆ ತುಲಾ ಲಗ್ನದಲ್ಲಿ ಮಾಂಗಲ್ಯ ಧಾರಣೆ ನಡೆಯಿತು. ಇನ್ನು ತರುಣ್ ಸುಧೀರ್ ಸೋನಲ್ ಗೆ ಮಾಂಗಲ್ಯ ಧಾರಣೆ ಮಾಡುತ್ತಿದ್ದಂತೆ ಸೋನಲ್ ಭಾವುಕರಾಗಿ ಕಣ್ಣೀರು ಸುರಿಸಿದ್ರು. ಈ ವೇಳೆ ಸೋನಲ್ ಅವರ ಹಣೆಗೆ ಮುತ್ತಿಟ್ಟು ಸುಧೀರ್ ಸಮಾಧಾನಿಸಿದ್ರು. ಇನ್ನು ಮಗನ ಮದುವೆ ಖುಷಿಯಲ್ಲಿ ಮಾಲತಿ ಸುಧೀರ್ ಸಂಭ್ರಮದಿಂದ ಓಡಾಡುತ್ತಿದ್ದರು.
ಇನ್ನು ಸ್ಯಾಂಡಲ್ ವುಡ್ ತಾರೆಯರಾದ ನಟಿ ಶೃತಿ, ನಟ ಶರಣ್, ಲವ್ಲಿ ಸ್ಟಾರ್ ಪ್ರೇಮ್ ಇವರೆಲ್ಲರೂ ಸ್ನೇಹಿತ ಮದುವೆಯಲ್ಲಿ ತಮ್ಮ ಮನೆ ಮದುವೆ ಸಮಾರಂಭ ಅನ್ನೋ ರೀತಿ ಸಂಭ್ರಮಿಸಿದರು. ಸ್ಯಾಂಡಲ್ ವುಡ್ ಬಹುತೇಕ ಎಲ್ಲಾ ತಾರೆಯರು ತರುಣ್ ಹಾಗೂ ಸೋನಲ್ ಗೆ ಶುಭ ಹಾರೈಸಿದರು. ನಟಿ ಸುಧಾರಾಣಿ, ಮಾಳವಿಕ, ಅವಿನಾಶ್, ಗಿರೀಜಾ ಲೋಕೇಶ್, ಸೃಜನ್ ಲೋಕೇಶ್, ಸುಮಲತಾ ಅಂಬರೀಶ್, ಅಭಿಷೇಕ್ ಅಂಬರೀಶ್, ರಚಿತಾ ರಾಮ್, ನಿರ್ಮಾಪಕ ಉಮಾಪತಿ, ರಾಕ್ ಲೈನ್ ವೆಂಕಟೇಶ್, ಸಾಧುಕೋಕಿಲ, ಗೋಲ್ಡನ್ ಸ್ಟಾರ್ ಗಣೇಶ್, , ವಿನೋದ್ ರಾಜ್, ತಾರಾ ಅನುರಾಧಾ ಮೇಘನಾ ಗಾಂವ್ಕರ್, ಅನುಶ್ರೀ, ಟಾಲಿವುಡ್‌ನ ನಟ ಜಗಪತಿ ಬಾಬು, ಸೇರಿದಂತೆ ರಾಜಕೀಯ ರಂಗದಿಂದಲೂ ಡಿಸಿಎಂ ಡಿ ಕೆ ಶಿವಕುಮಾರ್ ಸೇರಿದಂತೆ ಅನೇಕ ಗಣ್ಯರು ಆಗಮಿಸಿ ತರುಣ್ ಹಾಗೂ ಸೋನಲ್ ಗೆ ವಿಶ್ ಮಾಡಿದ್ರು.
ಇನ್ನು ಇಂದು ಹಿಂದೂ ಸಂಪ್ರದಾಯದಂತೆ ಸೋನಲ್ ಹಾಗೂ ತರುಣ್ ವಿವಾಹ ಸಮಾರಂಭ ನೆರವೇರಿದ್ರೆ ಮಂಗಳೂರಿನಲ್ಲಿ ಕ್ರಿಶ್ಚಿಯನ್ ಸಂಪ್ರದಾಯದಂತೆ ಸೋನಲ್ ಹಾಗೂ ತರುಣ್ ಸುಧೀರ್ ಮದುವೆ ನಡೆಯಲಿದೆ.
ಕೊನೆಗೂ ತಮ್ಮ ಬದುಕಿನ ಸಂಗಾತಿಯನ್ನು ಸಿನಿಮಾ ಹೀರೋಯಿನ್ ನಂತೆ ಅದ್ಧೂರಿಯಾಗಿ ಪರಿಚಯಿಸಿದ ನಿರ್ದೇಶಕ ತರುಣ್ ಸುಧೀರ್
ಸ್ಯಾಂಡಲ್ ವುಡ್ ನಿರ್ದೇಶಕ ತರುಣ್ ಸುಧೀರ್ ಅವರು ನಿನ್ನೆ ನಾಳೆ ತಮ್ಮ ಲೈಫ್ ನ ಹೀರೋಯಿನ್ ಳನ್ನು ಪರಿಚಯಿಸುತ್ತೇನೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಒಂದನ್ನು ಹಾಕಿದ್ದರು. ಅದರಂತೆ ಇಂದು ತಮ್ಮ ರಿಯಲ್ ಬದುಕಿನ ಹೀರೋಯಿನ್ ನನ್ನು ಇಡೀ ಕರುನಾಡಿಗೆ ಸುಂದರವಾದ ವೀಡಿಯೊವೊಂದರ ಮೂಲಕ ಪರಿಚಯಿಸಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿರುವ ಅವರು ಸೋನಾಲ್ ಜೊತೆಗಿನ ಸುಂದರವಾದ ವೀಡಿಯೋ ಒಂದನ್ನು ಶೇರ್ ಮಾಡಿದ್ದಾರೆ ಅದರಲ್ಲಿ ಅವರು ನಾನು ತರುಣ್ ಸುಧೀರ್, ಇನ್ನೂ ನನ್ನ ಶ್ರೇಷ್ಠ ಪ್ರೇಮಕಥೆಯನ್ನು ನಿರ್ದೇಶಿಸುತ್ತಿದ್ದೇನೆ, ನನ್ನ ನಾಯಕಿ ಸೋನಲ್ ಜೊತೆ (Tharun here, directing my greatest love story yet, with my leading lady sonal ) ಎಂದು ಇಂಗ್ಲೀಷ್ ನಲ್ಲಿ ಬರೆದಿದ್ದಾರೆ . ಅಲ್ಲದೇ ನಮ್ಮ ಕಥೆಯ ಶುಭಾರಂಭಕ್ಕೆ ನಿಮ್ಮ ಆಶೀರ್ವಾದವಿರಲಿ ಎಂದು ಅಂತಾ ಕ್ಯಾಪ್ಶನ್ ಕೊಟ್ಟಿದ್ದಾರೆ. ಅಲ್ಲದೇ ಆಗಸ್ಟ್ 11 ರಂದು ನಾವು ಮದುವೆಯಾಗುತ್ತಿದ್ದೇವೆ ಎಂದು ಮದುವೆ ದಿನಾಂಕವನ್ನು ತಿಳಿಸಿದ್ದಾರೆ. ಇನ್ನು ಇದೇ ವೀಡಿಯೋವನ್ನು ಸೋನಲ್ ಕೂಡ ಶೇರ್ ಮಾಡಿದ್ದು, ನಾನು ಸೋನಲ್, ಇನ್ನೂ ನನ್ನ ಶ್ರೇಷ್ಠ ಪ್ರೇಮಕಥೆಯನ್ನು ನಿರ್ದೇಶಿಸುತ್ತಿದ್ದೇನೆ, ಅದು ನನ್ನ ಜಂಟಲ್ ಮೆನ್ ತರುಣ್ ಜೊತೆ ಎಂದು ಹೇಳಿದ್ದಾರೆ.(Sonal here, directing my greatest love story yet, with my gentlemen Tharun.) ಇನ್ನು ಇಬ್ಬರು ಮದುವೆ ವಿಚಾರ ಅಧಿಕೃತವಾಗಿ ಅನೌನ್ಸ್ ಮಾಡುತ್ತಿದ್ದಂತೆ ಇಬ್ಬರಿಗೂ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ.
