ಬೆಂಗಳೂರು; ನಟ ಕಿಚ್ಚ ಸುದೀಪ್ ಇವತ್ತು ದಿಢೀರ್ ಅಂತಾ ಸುದ್ದಿಗೋಷ್ಟಿ ನಡೆಸಿದ್ರು. ಈ ವೇಳೆ ಕಿಚ್ಚ ಸುದೀಪ್ ಹಲವು ವಿಚಾರಗಳ ಬಗ್ಗೆ ಮಾತನಾಡಿದ್ರು.
ಮೊದಲಿಗೆ ತಮ್ಮ ಹುಟ್ಟುಹಬ್ಬದ ಬಗ್ಗೆ ಮಾತನಾಡಿದ ನಟ ಕಿಚ್ಚ ಸುದೀಪ್ ನಾರ್ಮಲ್ ಆಗಿ ಬರ್ತ್ಡೇ ಅಂದಾಗ ಮನೆ ಹತ್ರ ಫ್ಯಾನ್ಸ್ ಬರ್ತಾರೆ .ಆದ್ರೆ ಕಳೆದ ಬಾರಿ 25 ಸಾವಿರ ಜನ ಬಂದು ಗೊಂದಲ ಆಗಿತ್ತು. ಪ್ರತಿ ಬಾರಿ ಜೆಪಿ ನಗರದಲ್ಲಿರುವ ನನ್ನ ತಂದೆ ಮನೆಯಲ್ಲಿ ಹುಟ್ಟುಹಬ್ಬ ಆಚರಿಸಿಕೊಳ್ತಿದ್ದೆ. ಆದರೆ ಈ ಬಾರಿ ನಾನುಹುಟ್ಟುಹಬ್ಬವನ್ನು ಬೇರೆ ಕಡೆ ಮಾಡೋಕೆ ನಿರ್ಧರಿಸಿದ್ದೇನೆ ಎಂದು ಸುದೀಪ್ ತಿಳಿಸಿದ್ರು. ಈ ಬಾರಿ ಯಾರಿಗೂ ತೊಂದರೆ ಆಗದಂತೆ ಜಯನಗರದ ಎಂಇಎಸ್ ಗ್ರೌಂಡ್ ನಲ್ಲಿ ಹುಟ್ಟುಹಬ್ಬ ಸೆಲೆಬ್ರೇಟ್ ಮಾಡಲಿದ್ದಾರೆ.ಬರ್ತಡೇ ದಿನ ಬೆಳಗ್ಗೆ 10 ಗಂಟೆಯಿಂದ 12ಗಂಟೆವರೆಗೂ ಫ್ಯಾನ್ಸ್ ಅನ್ನು ಅಲ್ಲೇ ಕಿಚ್ಚ ಭೇಟಿಯಾಗಲಿದ್ದಾರೆ,
ಇಜೇ ವೇಳೆ ಕಿಚ್ಚ ಕಳೆದ ವರ್ಷ ಬರ್ತ್ ಡೇ ದಿನ ಅನಾನುಕೂಲ ಆಯ್ತು.ಈ ಬಾರಿ ಅದು ಆಗೋದು ಬೇಡ ಎಂದ್ರು.ಬರ್ತ್ ಡೇ ದಿನ ಸಿನಿಮಾಗಳು ಅನೌನ್ಸ್ ಮಾಡ್ತೀವಿ.ವರ್ಷಕ್ಕೆ ಎರಡು ಸಿನಿಮಾ ಮಾಡ್ಬೇಕು ಅಂತಾ ಆಸೆ ನಮಗೂ ಇದೆ.ಕಾಲ ಕೂಡಿ ಬರ್ಬೇಕು ಅಂದ್ರು. ಈ ಬಾರಿ ಬಿಗ್ ಬಾಸ್ ಶೋನ ಹೋಸ್ಟ್ ಮಾಡ್ತೀರಾ ಅಂತಾ ಮೀಡಿಯಾದವರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಅವರು 10 ವರ್ಷ ನಾನು ಬಿಗ್ ಬಾಸ್ ಗೋಸ್ಕರ ಡೆಡಿಕೇಟ್ ಮಾಡಿದ್ದೀನಿ.ಎಲ್ಲರಿಗೂ ಗೊತ್ತಿರೋದು ನಾನು ಬಿಗ್ ಬಾಸ್ ನಡೆಸಿಕೊಡ್ತೀನಿ ಅಂತಾ.ಹೇಗೆ ನಡೆಸಿಕೊಂಡ್ತೀನಿ ಎಷ್ಟೊತ್ತು ನಿಂತಿರ್ತೀನಿ ಗೊತ್ತಾ..?ಬೆಳಗ್ಗೆ 3:30 ಪ್ಯಾಕ್ ಅಪ್ ಆದ್ರೆ ಏರ್ಪೋರ್ಟ್ ನಲ್ಲಿ ಕಾದು ಜರ್ನಿ ಮಾಡಿ ಶೋ ನಡೆಸಿಕೊಡ್ತಿದ್ದೆ.ಇದೆಲ್ಲಾ ನನ್ನ ಸ್ವಂತ ಚಾರ್ಜಸ್. ಬಿಗ್ ಬಾಸ್ ಅವರು ಕೊಡಲ್ಲ.2 ರಿಂದ 3 ಗಂಟೆ ನಿಂತು ಶೋ ನಡೆಸಿಕೊಡ್ತಿದ್ದೆ. ಬಿಗ್ ಬಾಸ್ ಶೋ ಎಂಜಾಯ್ ಮಾಡಿದೀನಿ .ಆದ್ರೆ ಬಿಗ್ ಬಾಸ್ ಶೋ ನಡೆಸೋಕೆ ಇಂಟರೆಸ್ಟ್ ಇಲ್ಲ ಅನ್ನೋ ಸುದ್ದಿ ಹರಿದಾಡಿದೆ.ನಾನು ವಿಶ್ ಮಾಡ್ತಿದೀನಿ ಬೇರೆ ಅವರನ್ನ ಆಯ್ಕೆ ಮಾಡಿಕೊಳ್ಳಲಿ ಎಂದರು.
ಇನ್ನು ಗೌರವ ಡಾಕ್ಟರೇಟ್ ನೀಡುವ ವಿಚಾರಕ್ಕೆ ಸಂಬಂಧಪಟ್ಟಂತೆ ಮಾತನಾಡಿದ ಅವರು ನಾನು ಅಂತಾದ್ದೇನು ಮಾಡಿಲ್ಲ.ಹತ್ತಾರು ಸಿನಿಮಾ ಮಾಡಿದ್ದೀನಿ.ನನ್ನ ಪ್ರಕಾರ ನಾನು ಏನಾದ್ರೂ ಮಾಡಿದ್ದೀನಿ ಅಂತಾ ಅಂದಾಗ ಪತ್ರ ಬರೆದು ಕೊಡಿ ಅಂತೀನಿ.ಅವ್ರು ಕೊಟ್ಟಿರೋ ಡಾಕ್ಟರೇಟ್ ಮೇಲೆ ತುಂಬಾ ಗೌರವ ಇದೆ.ನಾನು ಇನ್ನು ಲೈಫ್ ನಲ್ಲಿ ಮಾಡೋದು ತುಂಬಾ ಇದೆ ಎಂದ್ರು. ಇನ್ನು ಸ್ಟಾರ್ ವಾರ್ ಬಗ್ಗೆ ಮಾತನಾಡಿದ ಸುದೀಪ್ ಸ್ಟಾರ್ ವಾರ್ ಆನ್ ಲೈನ್ ಫ್ರೆಂಡ್ಸ್ ಗಳು ಮಾಡ್ಕೊತಾರೆ.ಅದೆಲ್ಲ ಇರಲಿ ಬಿಡಿ ಇಲ್ಲಾಂದ್ರೆ ಮಜಾ ಇರೋಲ್ಲ ಎಂದು ಜೋಕ್ ಮಾಡಿದ್ರು.
ಓಟಿಟಿ ಬರಲೇಬೇಕು, ಆದ್ರೆ ಸಿನಿಮಾ ಥಿಯೇಟರ್ ನಲ್ಲಿ ರಿಲೀಸ್ ಆದ್ರೆ ಓಟಿಟಿ ನಲ್ಲಿ ತಗೋತಾರೆ.ಇನ್ನು ಬಿಲ್ಲಾ ರಂಗ ಬಾಷಾ ಬಗ್ಗೆಮಾತನಾಡಿದ ಅವ್ರು ಬಿಲ್ ರಂಗ ಬಾಷಾ ಬಿಗ್ ಸ್ಕೇಲ್ ಸಿನಿಮಾ. ಇದಕ್ಕೆ ತಯಾರಿ ಮಾಡ್ಕೋಬೇಕು.3-4 ಸಿನಿಮಾಗೆ ಡೇಟ್ಸ್ ಕೊಡ್ತಿದ್ದೀನಿ.ಬಿಲ್ಲಾ ರಂಗ 2025ಕ್ಕೆ ರಿಲೀಸ್ ಮಾಡೋಕೆ ಪ್ಲಾನ್ ಇದೆ.ಒಂದೇ ಟೈಂನಲ್ಲಿ ಒಂದು ಸಿನಿಮಾ ಮಾಡೋದು ಬಿಡ್ತೀನಿ.ಪ್ಯಾರಲಲ್ಲಾಗಿ ಸಿನಿಮಾಗಳಲ್ಲಿ ತೊಡಗಿಸಿಕೊಳ್ಬೇಕು ಎಂದ್ರು.
